Te haka o Paora Tapu

Kei ngā ringa mahi I te Riu-o-Waiakto

I ngā rua taniwha

Whāia rā te ara o Paora Tapu

HI!

Tāhoroa te ao

Tāhoroa te pō

Te hāora horanga kupu whakawehi

Ka rohai te ao tūroa

I ngā kahu tarutaru o te pōuri, o te riri, o te

Mate. Hei!

Tē kitea nei

Tē rangona nei

Ka matapō

Ka matapōkere

Whakatata mai Hāora ki Ramahiku

Kia ketua, kia horoia

Purea, purea ki te wai mārama o Kāwari

Mahea ake ngā unahi, pūrangiaho mai te ara

Tū ake au i te taumata tapu, taumata tipua, taumata tawhito

Ko Pāora Tapu hi

Kei ngāueue

HI!

Kei pāheke

HI!

E kore nei tōku waewae e nekehia, he mea whakauka ki te

whakaponotanga nō namata

I a haha

Ūrokarairona

Tū tonu Pāora

Papakirua

Tū tonu Pāora

Te mata hoari

Tū tonu Pāora

Pāora Tapu HI!